Larunbatean Futsala Villaverde talde madrildarraren aurka lehiatu genuen. Nahiz eta jakitun izan haiek ez zutela oraindik ere sailkapenean punturik batu, Jotak ohartarazi zuen iaz dinamika ona okertu egiten zitzaigula, hain zuzen ere, taulan azpitik zeuden taldeen aurka jokatu genuen partidetan. Ildo horretatik, asteburu honetan agertoki bera errepikatzeko zorian egon ginen. Arreguik berak adierazi zuen bezala, gure jokalariak ez ziren eroso egon, eta aurkaria arlo guztietan aritu zen gu baino hobeto. “Ez da gure eguna izan erasoan, arazoak izan ditugu zirkulazioan, eta trakets ibili gara arlo teknikoan”, esan zuen partida amaierako elkarrizketan. Ondorioz, markagailua estreinatu zuen aurkariak 12. minutuan eta, [...]

Bihar etxera itzuliko gara Ligako laugarren jardunaldia jokatzera, beti bezala 18:30ean. Oraingoan, aurten mailaz igo den Futsal Villaverde talde madrildarraren bisita izango dugu. Zentzu horretan, talde ezezaguna da guretzat, baina horrek, jakina, ez du eraginik izango neurketari eskainiko diogun exijentzia-mailan. Sailkapenari begira, Madrilgoek ez dute oraindik punturik pilatu. Hala ere, Jotak gogoratu nahi izan du iaz, gure jokalariak dinamika onean zeudenean, eta indartsuenen aurka norgehiagokak irabazten zituztenean, Belabietara iritsi, eta taulan azpitik zegoen talde baten aurka funtsezko 3 punturi esan geniela agur behin baino gehiagotan. Izan ere, nola ahaztu kategoria honetan inor ezin dela ezertaz fidatu, eta edozer gauza gerta daitekeela, gutxien espero duzunean ere. Deialdiari [...]

Larunbatean Zaragozara joan ginen Ligako hirugarren jardunaldia jokatzera Full Energia Zaragoza Bren aurka. Beren ezaugarriak kontuan hartuta, bagenekien partida bizia izango zela, baina prest geunden zetorrenari aurre egiteko. Horrela, Dani, Alvaro, Oscar, Chuky eta Uri bostekoarekin hasi genuen norgehiagoka. Lehen 20 minutuak oso lehiatuak izan ziren, eta horrek atsedenaldira gol bakarreko aldearekin iristea eragin zuen. Alvarok sartu zuen gol hori, gure 11 zenbakiak, 8:36. minutuan. Hala ere, berdinketa iritsi ahal izan zen bigarren zatiaren aurretik, Txikik txartel gorria jaso baitzuen, eta aurkariak nagusitasunean jokatzea eragin zuen horrek. Indar mental handiarekin, eusten eta markagailuan aurretik mantentzen jakin genuen. Aldageletatik itzuli [...]

Larunbatean Zaragozara bidaiatuko dugu Ligako hirugarren jardunaldia jokatzera (16:30ean, La Granja kiroldegian). Bigarren partida izango da etxetik kanpo, eta Jota Arreguiren taldeak orain arte bi puntu lortu dituen arren, argi dauka oraingoan hiruak osorik eskuratu nahi dituela, hasieratik postu ona mantentzeko sailkapenean. Horrela, helburu hori lortzeko falta diren akatsak eta xehetasunak zuzentzeko balio izan du asteak. Aurkariari dagokionez, etxean lortutako garaipen batetik, eta Nafarroako lurretan izandako porrotetik datoz. Kategoriara iaz igo zen arren, bere trebetasunak eta gaitasunak erakutsi ditu. Zentzu horretan, bere zonako defentsa nabarmendu Jotak, zeina Aragoiko taldeen ezaugarri nagusia den. Halaber, taldea osatzen duten jokalarien “gaztetasun eta [...]

Larunbatean jokatu genuen etxeko lehen partida. Ilusio handiarekin sentitu ginen berriro ere zaleekin elkartzeko, eta, gainera, Pasaian aurreko astean lortutako berdinketaren ondoren, Belabietan lehen 3 puntuak lortzen saiatzeak zirraragarria bihurtzen zuen erronka. Horrela, aurkariaren kalitateaz jabetuta, intentsitate handiz ekin genion partidari, eta bizkaitarrek arazorik gabe moldatu ziren gure erritmora. Ildo horretan, parekotasunak markatu zituen minutuak, eta, nahiz eta area barrutik aukera oso argia eta polita izan, eta nahiz eta pilota ondo mugitu, ezin izan genituen jokaldiak burutu arrazoi argiengatik: bisitarien defentsa topera zegoen, eta are gehiago atezaina, baloi bat bata bestearen atzetik urruntzen ari baitzen. Horrela, minutuek aurrera egin [...]

Biharkoa oso egun berezia izango da, Belabietara itzuliko baikara gure zaleekin. Maiatzean ikusi genuen elkar azkenekoz, dena jokoan zegoen partida bizi horretan. Orain, beste behin, eta, batez ere norgehiagoka bakoitzean puntuak batzea zein garrantzitsua den jakinda, funtsezkoa izango da zuen guztien babesa izatea. Partida arratsaldeko 18:30ean hasiko da, eta San Juan talde nafarrari 2-3ko emaitza batekin irabaztetik datorren Zierbena hartuko dugu Ibarran. Zentzu horretan, Jotak kontatu digu aurkaria oso ondo moldatzen dela erasoan zein defentsan, eta askotariko kontzeptuak maneiatzen dituztela estrategian. Halaber, gaineratu du taula goian eta Play Off postuetan egoteko gai den taldea dela Zierbena. Deialdiari dagokionez, Ekain [...]

Atzo Pasaiara joan ginen 22-23 denboraldi zoragarri honi hasiera emateko. Aurrean, Antxo AF, mailara igo berri den talde gipuzkoarra, aurkariari gauzak oso zail jartzeko adina potentzial duena; are gehiago markagailua estreinatu gabe iristen bada bigarren zatiaren erdia. Eta horixe gertatu zen, hain zuzen. Bagenekien arrisku handia zegoela eta, partida osoan abantaila nahikoa atera ezean, azken minutuak gogorrak izango zirela. Zentzu horretan, nahiz eta Chukyk bi gol sartu (lehena 24. minutuan, bigarrena 29. minutuan) eta nahiz eta, Jotak adierazi zuen bezala, “orokorrean erasoan eta defentsan ondo” aritu ginen, atezain jokalariarekin erabaki zen partida. Gure entrenatzaileak esan zigun bazekitela Pasaiakoek arazoak [...]

Igandean Pasaiara joango gara 2B mailako gure taldearekin Ligako lehen jardunaldia jokatzera. Topaketa Pasai Antxo kiroldegian izango da 12:30ean, eta Jotak zuzentzen dituenak “oso gogotsu” sentitzen dira. Denboraldi-aurreko lagunartekoek hainbat lesio eta min ekarri zituzten arren (kaltedunen artean Boli eta Ilias daude), sendatu direla eta asteburuan lehiatzeko prest egongo direla baieztatu dezakegu. Berri on horrekin, Ekain izan ezik (gaur Euskal Ligarekin batera Gipuzkoako Kopa jokatuko baitu), beste jokalari guztiak deitu ditu gure entrenatzaileak. Zentzu horretan, Jotaren arabera, “aurreikusitakoaren arabera” atera da dena. Era berean, ideia argia dela gaineratu du: partida zail batetik 3 puntuak ateratzea. Izan ere, aurkaria aztertuz [...]

Joan den larunbatean denboraldiaurreko laugarren lagunartekoa jokatu genuen eta, horretarako, Burgosko Juventud del Círculo taldea hartu genuen Belabietan. Talde berdearekin 2B mailako multzoa urte askotan partekatu dugun arren, aurten ez dugu elkarrekin lehiatuko, haiek 1. taldean hartuko baitute parte oraingo honetan. Larunbateko partidari dagokionez, Jotak esan digu orokorrean “defentsa-intentsitate ona” ikusi zuela, eta ate aurrean asmatzen jakin izan zutela. Ildo horretatik, lehen zatia 3-0eko emaitzarekin itxi genuen: lehenengoa Iliasek gauzatu zuen korner batetik, bigarrena Ericen eskutik etorri zen 8. minutuan, presio batean egindako lapurreta bati esker, eta, handik gutxira, Alvarok sartu zuen hirugarrena, bigarren zutoinetik eta Iliasen zerbitzura. Horrela, [...]

Lauburukoek Ibarran zehar ibili ziren asteazken arratsaldean, bertako saltokietan 2022-2023 denboraldiko "Aurten bai, morez blai" kanpaina aurkezten. Herriko saltokiei eskerrak eman nahi dizkiegu bertako ekonomiari laguntzeko egiten duten ahaleginagatik ez ezik, gure proiektuaren alde urtez urte ematen duten laguntza eta babesagatik. Guretzat, beti da plazera eta harrotasuna da Ibarrako dendariekin lankidetzan aritzea. Harrera ona jasota, aurrera jarraitzen du kanpainak, eta klubak baikortasunez eta ilusioz ikusten du partida bakoitzean taldeari bere helburuak lortzen lagunduko dioten bazkideen izen-emateen erritmoa. GOAZEN LAUBURU!!!! AURTEN BAI, MOREZ BLAI