Lauburu Mahala Ibarra gorakako bolada mantentzen du eta larunbatean Kantabriako Mar Rock taldea garaitu zuen 7-3ko emaitzarekin. Jokatutako azken 12 norgehiagoketan pilatutako 10 puntuak gehituz gero, Aitor Arevaloren mutilak joko eta sentsazio onarekin itxiko dute urtea. Moratuek baloia pistaren ¾ etan estutuz hasi zuten norgehiagoka, aurreko lerroetan baloia berreskuratu eta aurkariaren atean amaitzeko ahaleginetan. Aurkariak pista erdian itxaron zien moratuei, hauek akats bat eginez gero, kontra batean ateratzeko aukeraren baten zain. Partiduaren hirugarren minutuan tokikoak aurreratu ziren, taldeko triangulazio on baten ostean Aitor Sanchezek, Gurruk egindako zerbitzu on bat takoiarekin maisutasunez amaitu zuenean. Ibartarrek ekintza bikainak josten zituzten lauko jokoarekin, [...]

Lauburu Mahala Ibarrak Kantabriako MARROCK C.D. taldearen aurka jokatuko du larunbat honetan, 16:00etatik aurrera Belabietan. Talde honek, orain arte jokatutako zortzi norgehiagoketan bi garaipen eta sei porrot pilatuta, bederatzigarren postua betetzen du. Aitor Arevaloren mutilentzat sailkapenean hiru puntu gehiago gehitzeko eta beren bolada ona luzatzeko aukera ezin hobea izango da. Honek konfiantza irabazten lagunduko die, sailkapenaren goiko postuei begira jarri eta jaitsierako postuetatik urruntzeko. Bi ordu beranduago, Bigarren B Nazionalak bere amets zoragarritik esnatu gabe jarraitzeko aukera bat gehiago izango du. Oraingoan, aurkaria C.D. Escuelas Ciudad de Guadalajara taldea izango da, 18:30ean Belabietan. Etengabeko saioa izango dugu larunbatean Ibarran. [...]