Larunbatean Tafallara joan ginen sailkapeneko hirugarren sailkatua den Tafatrans Vulcanizados Ruizen aurka jokatzera. Ligako aurkari gogorrenetako bat izanik, 40x20an izango genuen zailtasunaz jakitun ekin genion partidari. Dani, Chuky, Raul, Gorka eta Zaldua izan zen hasierako boskotea. Lehen minutuetan intentsitate maila handia ipini genuen, eta, besteak beste horri esker, 7. minutuan iritsi zen lehen gola, Raulen eskutik, etxekoek baloi bat galtzean (0-1). Ondoren, lehen zatiaren amaierarako 6 minutura nafarrek berdinketa lortu zuten arren (1-1), segundo gutxiren buruan aurretik jarri ginen berriro (1-2). Aldeko bigarren gol hau Chukyren eskutik etorri zen, eta gauzak ondo egiten ari ginela azpimarratzeko balio izan zuen. Aurrerago, [...]

Alfredo Hualderen mutilek Zaragozara bidaiatu zuten larunbatean, Ligako 20. jardunaldiari dagokion partida jokatzera. Belabietatik eguerdiko 14:00etan atera ondoren, asteko helburuan bete-betean kontzentratzeko adinako aurrerapenarekin iritsi ziren aurkariaren pistara. Gainera, talde moreak 4 jardunaldi jarraian zeramatzan garaipena lortzen eta, beraz, bolada horrekin jarraitu nahi zuen; beste behin ere 3 puntuak Ibarrara bidaiatzea funtsezkoa zela jakinik.  Hala, hasiera eman zitzaion lehen minutuetan tentsioz beteta egon zen partida bati. Bi taldeak behin baino gehiagotan kontrako atera iritsi arren, ez zuten lortzen jokaldiak bukatzea. Horri guztiari etxeko taldeak zein bisitariak defentsan oso goitik presionatu izana gehitu zitzaion. Ondorioz, askoz ere zailagoa bihurtu zen [...]

Lauburuk 6 eta 4-ko emaitzarekin garaitu zuen Tausteko (Zaragoza) taldea larunbat honetan. Emaitzak adierazten duen bezala ibartarrek bi goleko aldearekin irabazi bazuten ere, garailea ez zen ia partida amaitu arte erabaki.  Lehen zatiko lehen minutuei dagokienez, ez Zaragozakoek eta ezta ibartarrek ere ez zuten lortu ate ingurura iristea. Biak oso indartsu eta oso goitik presioa egiten hasi ziren eta, horrekin, atetik gertu aukerak sortzeko zailtasuna asko handitu zen.   Behin minutu batzuk igarota, lehen aukerak iritsi ziren talde morearentzat. Hala ere, ez zuen lortzen egiten zituen iritsiera arriskutsuak golean amaitzea. Horrela, Alfredo Hualderen mutilak jokoan nagusi izaten ari zirela zirudienean, [...]

Inoiz baino parekatuagoa aurreikusten zen derbi bat irabazita, Alfredo Hualderen mutilek behar zuten bultzada lortu dute eta, sailkapenean postuak igotzen hasita, Play-Off eta Errege Kopako postuengatik borrokatzeko asmoarekin daude.   Hala, larunbateko garaipenarekin eta sailkapenean funtsezko 3 puntu gehituta, larunbat honetan Zaragozako Tauste F.S taldea jasoko dute ibartarrek Belabietan. Zaragozakoak, gaur egun, 10. postuan kokatzen dira 20 punturekin; 6 partida irabazi, 2 berdindu eta 10 galdu ondoren. Joan den larunbatekoari dagokionez, Tafatransen aurka 3-3 berdindu zuten. Euren sareetan argitaratu dutenez, emozio handiko partida bizitu zuten eta positiboa izan zen puntu bat gehitzea denboraldi honetan zein lehiakorrak izaten ari diren erakutsiz. [...]

Alfredo Hualderen mutilek Laskoraingo taldea izan zuten aurkari aurreko larunbatean, inoiz baino parekatuagoa aurreikusten zen derbi batean. Talde moreak bazekien, sailkapeneko lehen 4 postuen artean kokatzeko helburuari forma ematen jarraitzeko, oso indartsu eta gogo handiz atera beharko zirela kantxara. Era berean, astean zehar egin zuten lana erakusteko, haientzat ezinbestekoa zen partidara lehen momentutik kontzentratuta sartzea.  Hala, talde moreak hasieratik joko erritmo azkarra jarri zuen derbi bati eman zitzaion hasiera. Modu horretara, ibartarrek ez zuten denbora asko behar izan arriskua sortzen hasi eta Tolosakoen atera hainbat iritsiera egiteko. Hala ere, jokoan nagusitasuna izan arren, Lauburuk ez zuen jokaldiak bukatzea lortzen. [...]

Gabonen ostean, jokatutako bi jardunalditan lortu dute garaipena Alfredo Hualderen mutilek eta, dinamika positibo horretara iritsita, astero gogor lan egiten jarraitzen dute lortzen ari diren emaitzei eusteko. Joan den astean Belabietan lehiatu ondoren, oraingoan Laskoraingo bizilagunen aurka jokatuko dute Tolosako Usabal Polikiroldegian. Kantxa barruan zein kanpoan batzen dien hurbiltasunagatik haien aurka jokatzea berezia dela kontuan hartuta, partida zaila eta bizia aurreikusten da.  Egun, sailkapeneko 9. postuan kokatzen da talde tolosarra; guztira 5 garaipen, 5 berdinketa eta 7 porrota pilatuz. Horrela, 7 dira Lauburu eta Laskorain bereizten dituzten puntuak. Hala eta guztiz ere, gogora dezagun bi taldeak soilik puntu bateko [...]

Gabonetako geldialdiaren ondoren, Alfredo Hualderen mutilak Burgosera joan ziren Ligako hamaseigarren jardunaldiari dagokion partida jokatzera, eta orduan sailkapenean talde morea baino postu bat gorago kokatzen zen Juventud del Círculo taldeari aurre egin behar izan zioten. Horrela, oso bizia izan zen partida bat jokatu ondoren, ibartarrek aurkaria garaitzea lortu zuten; postuak igotzen jarraitu ahal izateko beharrezkoak ziren 3 puntuak etxera ekarriz.  Datu hori azpimarratzea oso garrantzitsua da, hori baita bigarren itzulian proposatutako helburua: distantziak murriztea, puntu gutxiko aldearekin euren aurretik dauden taldeen gainetik jarriz. Burgosen irabazita, talde moreak bazekien larunbat honetan garaipena lortzea oso garrantzitsua zela. Hala, astean zehar lan dinamika [...]