Lauburu Kirol Elkartea Ibarra
FacebookXInstagramTelegramTiktokYouTubeFlickrEmail
15 2019.04.15

Lauburu ez zen kikildu Belabietan (8-4)

2019-04-15T15:54:04+02:0015/04/2019|Tags: , , , |

LAUBURU K.E. IBARRA - F.S. SANTURTZI Lehenengo zati bikain batean jokoa menderatuz, okasioak eta golak eskura izan zituen norgehiagokan beste hiru puntu gehiago lortu ditu Lauburuk; bigarren zatian berriz, 5x4arekin sufritzea tokatu zitzaion, errenta mantentzeko minutu luzeetan defentsa gogorra egin behar izan baitzuen azken emaitza lortu arte. Norgehiagokaren hasiera-hasieratik bi planteamendu desberdin ikusi ziren. Santurtzi bere kantxan geratzen zen, zain, baloia ematen eta ibartarren jokoan akatsak bilatzen. Ibartarrak berriz, bisitarien baloi irteera defentsan bertan estutzen zuten, pareko taldearen jokalari onenei pentsatzen eta jokoa sortzen utzi gabe; eta erasoan, baloiaren jabetzarekin pazientzia izaten. Gauzak honela, bizkaitarren kantxan egindako baloi-oste batzuen ondoren, [...]

Gehiago irakurri
11 2019.04.11

Titulua lortzeko lehiara hurbildu nahi du berriro Lauburuk

2019-04-11T17:26:48+02:0011/04/2019|Tags: , , |

LAUBURU KE IBARRA – F.S. SANTURTZI Denboraldiko azken aurreko derbia jokatuko du Lauburuk larunbatean, ligako 25. jardunaldian. Alfredo Hualderen mutilei bisita egingo dien taldea FS Santurtzi izango da. Bien arteko aurrekoak ikusita, norgehiagoka zaila izatea espero da. Honen ondoren bost jardunaldi besterik ez dira geratuko jokatzeko eta horietatik hiru, Belabietan izango dira. Hau kontuan hartuta larunbateko norgehiagokak berebiziko garrantzia hartzen du; bigarren sailkatuetik puntu bakarrera egonda eta pasa den astean Guadalajaran lortutako garaipenaren ostean, Ibarrakoek baikor begiratzen die sailkapenari. Oraintxe bertan, ibartarren xedea, beti kontrako eztarritik joan zaion talde bati irabaztea da. Lehenbiziko itzulian lortutako garaipenak azken sei ika-miketan [...]

Gehiago irakurri
8 2019.04.08

Guadalajarako garaipenak ametsa luzatuko dio Laubururi (1-3)

2019-04-08T16:07:20+02:0008/04/2019|Tags: , , , , , |

C.D. CIUDAD GUADALAJARA F.S.  — LAUBURU KE IBARRA Asko landutako garaipena lortu zuen Lauburuk etxetik kanpora jokatutako norgehiagokan; defentsa on batean oinarrituta, lehenengo zatian bertakoek sartutako golari buelta ematea lortu zuen eta bigarrenean, estrategia gol batekin aldea handitu eta lehiatzen jakin izan zuen amaiera arte errenta mantenduz. Hasiera bikaina egin zuen Lauburuk eta partiduko lehenbiziko minutuak moreak izan ziren; baloi-oste eta amaiera bizkorrekin eragindako presioak lehenbiziko gol-okasioak sortu zituzten. Hala ere, bertakoen kasta agerian geratu zen eta jokalari batzuek duten kalitatea aprobetxatuz Lauburuko defentsa estutzen hasi ziren. Langara jaurtiketa bat edota Peñak egindako lan onak lehenengo zatiaren erdira arte markagailua [...]

Gehiago irakurri
6 2019.04.06

Lauburuk Guadalajarara biadiatuko du guztiaren bila joateko asmoarekin

2019-04-06T10:47:01+02:0006/04/2019|Tags: , , |

C.D. CIUDAD GUADALAJARA F.S.  -- LAUBURU KE IBARRA Berebiziko norgehiagoka jokatuko dute igandean Alfredo Hualderen mutilak. Liga amaitzeko zazpi jardunaldi falta direnean, Tafatrans taldearekin hirugarren postuan berdinduta eta bigarren sailkatuarekin bi puntura daudela, kanpoan lortutako garaipen batek txapelketaren azken atalean lehiatzeko aukeretara bultzako lituzke moreak. Orain bi aste Tolosaldeko derbia irabazita, ibartarrak igande goizean abiatuko dira kategorian talentu handiena duen taldearen kontra jokatu eta irabazteko asmoarekin. Javier Ucedaren taldeak, Alzira edo San Juan bezalako aurkarien kontra irabaziz, bikain hasi zuen txapelketa, ondorioz sailkapeneko lehenengo postuan egoteko aukera izan zutelarik jardunaldi batzuetan. Erregulartasun faltagatik bakarrik ez dute kota altuagorik lortzerik [...]

Gehiago irakurri
25 2019.03.25

Tolosaldeko derbia irabazi du berriro Lauburuk (3-2)

2019-03-25T20:09:57+01:0025/03/2019|Tags: , , , , , |

LAUBURU K.E. IBARRA - LASKORAIN K.E. Goletan oso parekatua eta azken segundora arteko emozioa; holaxe laburtuko litzateke Tolosaldeko areto futbolean adierazgarri diren bi taldeen arteko norgehiagoka. Jokoa aurkezteko bi apustu desberdinekin, biek bosteko jokoaren alde egiteak eraman zuen azkenean markagailua moreen aldera. Belabietako harmailak lepo, zaleek norgehiagoka zirraragarri batez gozatu ahal izan zuten. Etxekoek jokoa menderatuz hasi zen norgehiagoka eta tolosarrei presio itogarria eragiten. Horitxoak pista erdian ezarri zuten defentsa eta handik eusten zieten ibartarren erasoaldiei, kontra bizkorrekin ezustean harrapatu nahian. Lehenengo aukera moreak iritsi ziren honela, kanpoko jaurtiketen bidez; baina batzuetan atezainaren lanagatik eta bestetan zutoinengatik, markagailua geldirik [...]

Gehiago irakurri
21 2019.03.21

Derbia irabazi behar du Lauburuk guztiaren bila joan nahi badu

2019-03-21T15:28:10+01:0021/03/2019|Tags: , , |

LAUBURU KE IBARRA – LASKORAIN K.E. Lauburuk eta Laskorainek jokatuko duten derbia dela-eta, festa bikaina sortuko da larunbatean Belabietan. Lauburuk oso serio hartu beharko duen festa izango da hain zuzen, sailkapeneko hiru postuetako bat lortzeko azken trena izan daiteke-eta. Galaz jantzita eta Ibarrako gotorlekuko harmailak lepo, Alfredo Hualderen mutilak garaipena bereganatzen saiatuko dira pasa den astean San Juanen jasotako zartadaren ondoren. Zaila izango da hala ere, gehienbat Laskorainek norgehiagoketan oso erritmo bizia jartzen duelako eta taldea sakon landutako defentsan oinarritzen delako bereziki. Narciso Pavok entrenatutako taldeak ez du esfortzua alde batera uzten eta ibartarrak irabazi nahi badute, gutxienez, bisitariek [...]

Gehiago irakurri
18 2019.03.18

San Juanen etxean galdu du Lauburuk (2-1)

2019-03-18T11:59:08+01:0018/03/2019|Tags: , , , |

A.D. SAN JUAN - LAUBURU K.E. IBARRA Norgehiagoka gogorra, intentsitate handikoa eta lehiakorra jokatu zuten moreek pasa den larunbatean San Juan Kirol Elkartean. Hiru puntuak eskuratu nahi izan zituzten bi taldeak, baina San Juanek hobeto erabili zituen bere armak eta azkenean beretzat izan saria.   Defentsak altu jarri zituzten bi taldeak norgehiagoka hasieran; honek jabetza motzak eta hurbilketa gutxi eragiten zuen. Moreek jabetza handiagoak izaten eta arriskuzko hurbilketa batzuk egiten hasi ziren urruneko jaurtiketekin. San Juanek kontra arriskutsu eta erremateekin erantzuten zuen estrategia jokaldietan. Gauzak honela, San Juanen lehenengo gola iritsi zen; Torek korner bat ateratzean zuzen errematatu zuen. Laubururen [...]

Gehiago irakurri
15 2019.03.15

Berebiziko garrantzia duen neurketa jokatzera doa Lauburu Iruñara

2019-03-15T14:56:38+01:0015/03/2019|Tags: , , , |

A.D. SAN JUAN - LAUBURU K.E. IBARRA Ibarrari jokatzeko geratzen zaizkion 9 jardunaldiak final moduan jokatuko baditu, larunbat honetakoa finaletan finala dela esan beharko genuke; ibartarrak Iruñara joango dira aurkari “kutun” baten kontra jokatzera, denboraldi honetan eta aurrekoan ere, kirolezko helburu berak partekatzen dituen aurkaria hain zuzen. Soberan dago esatea beraz, larunbateko norgehiagokaren garrantziaren tamaina. Joaneko jardunaldian berdindu ostean, neurketa hau irabazten duena titulua lortzeko hautagai zuzena izango da eta Alfredo Hualderen mutilak erronka honi aurre egiteko konfiantza guztia dute. Alta, moratuek aurkari honen kontra jokatu duten lau norgehiagoketan ez badute galdu ere, San Juan Kirol Elkartearen kantxan jokatzea oso [...]

Gehiago irakurri
11 2019.03.11

Garaipenaren bidera itzuli da Lauburu (5-4)

2019-03-11T11:28:58+01:0011/03/2019|Tags: , , , |

Partida gogorra larunbatean Lauburu eta Patatas Gomez taldeek jokatutakoa; bi zati oso desberdin izan zituen. Lehenbiziko 25 minutuetan Lauburu nagusitu zitzaion aurkariari eta 4-1eko emaitzara iritsi ziren. Azken 15 minutuetan berriz, Patatas Gomez taldeak defentsa morea menderatu zuen bosteko jokoarekin, amaierarako 15 segundoren faltan penalti bikoitzarekin emaitza berdintzeko aukera izan zutelarik, nahiz eta azkenean ez zuten sartu. Intentsitate handiarekin hasi zuten bi taldeak norgehiagoka, defentsarekin presioa eginez, aurkariaren erasoak eragozteko asmoz. Bertakoak argiago ikusten zuten aurkariaren defentsa eta arriskuarekin iristen hasi ziren Zaragozakoen atera. Zumetak eman zuen lehenbiziko abisua, langara botatako jaurtiketa bortitz batekin. Golak lehenengo zatiaren azken fasean iritsi [...]

Gehiago irakurri
7 2019.03.07

Titulua lortzeko lehia buruan duela berrartuko du liga Lauburuk

2019-03-07T20:14:50+01:0007/03/2019|Tags: , , , |

LAUBURU KE IBARRA – PATATAS GÓMEZ A.D. SALA 2012 Ibarra bere zaleen aurrean jarriko da berriro larunbatean. Egutegiak hala aginduta eta bigarren itzuli honetan izan diren atsedenaldiak kontuan hartuta, abenduaz geroztik bi norgehiagoka bakarrik jolastu dituzte moreak etxean. Zaleek babestuta, Alfredo Hualderenak titulua lortzeko lehiara itzuliko dira. Ez da batere erraza izango ordea. Patatas Gomez – AD Sala 2012 taldeak ezusteko batzuk eman dizkie kategoria honetan puntakoak diren hainbat taldeei. Alzirara eta Tafallara egindako bisitetan lortutako berdinketa bana dute meritu moduan, beraz, ibartarrek ez lukete fidatu behar Zaragozakoek sailkapenean duten postuagatik. Miguel Escosak entrenatutako taldea hamabigarren postuan kokatua dago, baina [...]

Gehiago irakurri
Go to Top