Etxekoen eta jokalari nafarren berritzeak jakinarazi ostean, 2019-2020 denboraldi honetan lantaldera etorriko diren beste jokalarien berri ematea falta zen. Hiru izango dira, Alfredo Hualderen eskutan jarriko diren jokalariak: bi atezain, Zuhaitz eta Joseba ordezkatuz, eta jokalari bat, Garmenek utzitako hutsunea betetzeko. Hirurak Gipuzkoarrak izatea dute amankomunean eta horrek proiektu morera gehitu eta hazten jarraitzeko erabakia hartzeko garaian zeresana izan du. Atezainak, Jorge Sanchez Mateos (Zarautz, 1993/03/31) eta Endika Uribe Uribe (Tolosa, 1988/11/26) dira. Jorge, Zarauztarra, Antiguoko Futsaletik dator, eta bertan Gipuzkoako areto futbol munduaren aldetik onespena izan du, honela, Ibarrako gorputz teknikoaren interesa ere sortu duelarik. Endika berriz, Lauburun ibilitakoa [...]

-Irudia: Fernando Miguel- Pasa den astea izan zen aurredenboraldia prestatzeko garaian gogorrena Laubururentzat, hiru entrenamendu saio burutuz eta Belabietatik kanpora jokatu behar izan zituzten bi lagunartekoekin. Lan-karga nabaritzen hasiak dira jada jokalariak, eta entrenamendu zein norgehiagokak baldintzatu dituzten baja batzuk izan dira astean zehar. Aldarte honetan beraz, jubenilen partehartzea garrantzitsua izan da, programatutako lanak aurrera eraman ahal izateko. Norgehiagoketan sartuta, talde moreak irabazten jarraitzen du, astean zehar egiten den lana indartuz. Lehenbizikoa asteazkena, abuztuak 28an jokatu zen Elorrion, bertako Bustanza taldearen kontra. 0-3ko emaitzak ibartarren nagusitasuna islatzen du fisiko aldetik gehienbat, bertakoak bi entrenamendu saio egin ostean jokatu zuten-eta. [...]

Aurten zoritxarrez, Lauburuk ez du senior kategorian emakumezkoen talderik izango, baina emakumezkoen areto futbola indartzeko apustua egiten jarraituko du. Sortu berria den eskolatik aterako diren neskek gerora jarraipena izatea da Klubaren helburu, aurretik egindako lanarekin, bi urtera senior lehiaketara itzultzeko. Hamar jokalari baditu jada klubak eta kaptazio jardunaldi berri hauekin bi gauza lortu nahi dira: data hauek ematen duten aukera aprobetxatuz teknifikazio saioekin hastea eta lauzpabost neska gehitzea lantaldea osatzeko. Infantil kategoria honetan nesken lehiaketarik ez dagoenez, adin bereko mutilen kontra jokatuko luke nesken taldeak, eta ezaugarri hau ez da oztopo izango lehiaketan, eskolan egon diren bitartean mutilen kontra [...]