Klubeko zortzi taldeetatik bostek kanpoan jokatuko dute

Lauburu Mahala Ibarra Logroñora joango da larunbatean CD Valle del Ebro taldearen aurka jokatzera, ligako zazpigarren jardunaldi honetan. Bere multzoa bakoitia denez, aurreko astean atsedena egokitu zitzaion, eta aste honetan garaipenaren bidera itzultzeko gogoz ekingo diote berriro ligari.
Castro liderraren aurrean galdu ostean, lesioak zirela eta, taldea murriztua geratu zen; atseden aste hau aprobetxatu dute, Kantabrian jokatutako partida gogor hartatik minez etorri ziren jokalariak osatzen joateko.
Larunbateko norgehiagokan, bihurritu bana dutelarik, Aitor Sanchez eta Asier Colas azken unera arte zalantza izango dira.
Moratuen entrenatzaileak ligako erronka honen aurrean honela hitz egin zuen: “Lehiatzeko gogotsu gaude, Castron jasandako porrota gogorra izan zen, gertatu zen moduan gertatu zelako, baina ildo egokian gaudela pentsatzen jarraitzen dut. Lantaldeak entrenatzeko eta hobetzeko gogoa du eta baloia sartzen hasten den momentuan taldeko konfiantza izugarri igoko da”.
Klubeko zortzi taldeetatik bostek bisitari moduan jokatuko dute asteburuan; hauxe da datorren jardunaldi honetako kartelerak duen ezaugarria. Azpimarratzeko, Bigarren B Nazionalak Santurtzira egingo duen bidaia; etxetik kanpora garaitezina izaten jarraitzea borrokatu beharko du bertan.